- НАЈНОВО
- ВО ПЕЧАТ
- ВО ПОДГОТОВКА
- ПРОДАЖНИ МЕСТА
Гертруда
Херман ХЕСЕ- Според Херман ХЕСЕ (1877–1962), она што вистински го сакаме, можеме и да го постигнеме. Така, младиот Кун детската љубов кон музиката ја претвора во своја професија, па музиката му станува верна придружничка во текот на целиот негов живот.
- Но, за жал, тој нема толку среќа и во љубовта. Жената којашто ја сака се мажи за неговиот најдобар пријател...
- Сепак, и по сите животни трагедии, таа за него останува најубавата песна која одекнува чисто и гласно во неговите сништа.
Светот на сексот
Хенри МИЛЕР- Хенри МИЛЕР (1891–1980), американски писател и уметник, вистински месија на еротската проза, не признава неприродни граници и наметнати правила во животот. Неговото дело се одликува со нихилизам кон цивилизацијата, но со љубов кон човекот.
- Сексуалната фантазија, збогатена со циничен хумор, се вклопува во описот на денешното хаотично и неодговорно однесување на луѓето надвор од нивните „регуларни“ занимања.
- „Човековиот дух е како река која се стреми кон морето – вели тој. – Не осудувајте го човекот поради неговите испади, осудете ја моќта на животот!“
Забранети задоволства
АБЕЛАР и ЕЛОИЗА- Приказната за францускиот филозоф АБЕЛАР (1079–1142) и за неговата остроумна ученичка ЕЛОИЗА (1101–1162) е запаметена низ времето како еден од најдраматичните и најпознатите љубовни скандали.
- Низ нивните страсни преписки е предаден развојот на нивната романса – од нејзиниот безгрижен занесен почеток до јавниот скандал, принудниот таен брак и трагичните последици што ги предизвикал.
- Во слаткоречивите интимни писма е претставена широка палета на емоции, од воодушевување до обвинување, од огорченост до болување, низ кои е насликан и религиозниот живот во средниот век.
Олинтики и Филипики
ДЕМОСТЕН- ДЕМОСТЕН (384–322 пр. н.е.) бил најголемиот оратор на античка Грција. Неговите беседи се одликувале со висока книжевно-уметничка вредност и давале увид во современите политички и културни случувања.
- Олинтики и Филипики се сметаат за негови најдобри политички говори, насочени против македонскиот крал Филип II и неговата експанзија, со кои ги критикувал Атињаните и ги повикувал на одлучна акција.
- Но и по цена на својот живот, тој не успеал да го спречи ширењето на македонското влијание на југ и освојувањето на цела Грција.
КАТЕГОРИИ
Аристотел- Категориите на Аристотел (384–322 пр. н.е.) се врв на неговиот интелектуален дострел. Со невидена леснотија и со голема систематичност, тој нѐ воведува во класификацијата на сето она што постои во светот, подредено во десет категории.
- Делото се заокружува со употребата на „има“ – мало зборче кое го карактеризира современиот човек. „Едни зборови се изговараат според некоја врска, а други без врска“, вели Аристотел на едно место.
- Да можевме секогаш да внимаваме на нивната поврзаност, можеби немало да бидат кажани многу работи кои предизвикале големи човечки трагедии.
РОБИНЗОН КРУСО
Даниел ДЕФО- Робинзон Крусо е многу повеќе од роман за борбата на осамениот човек со природата. Една од најубавите книги на светот што нѐ учат да ги откриеме и да ги развиеме личните способности, да се запознаеме себеси преку задлабочување и размислување за себе и за својот живот, да ги сфатиме универзалните вистини и вредности.
- Главниот јунак, кој поминал 28 години на пуст остров, нѐ учи дека луѓето треба да живеат во мир меѓу себе, да ги почитуваат правата на другите и да работат за нивно усреќување. Со Робинзон Крусо учиме како безбедно да патуваме по морињата и островите на нашиот живот.
- И како да не дозволиме на тој наш пат душата да ни се претвори во пуст остров. Да си изградиме во неа замок од надежи и желби и со сите сили да работиме за нивно остварување. Зашто ние можеме да го постигнеме она што силно го посакуваме!
Смртта на Иван Илич
Лав НИКОЛАЕВИЧ ТОЛСТОЈ- Смртта на Иван Илич е едно од најсовршените дела на Толстој по кое тој сигурно ќе останел запаметен дури и да не напишел ништо друго. Вистинска апологија на човековото опстојување во суровата борба за позиција во општеството и во животот, на постојаната потрага по доброто.
- И кога еден ден неминовно ќе дојдеме до крајот, се соочуваме со неизбежните прашања: Дали тој живот беше вистинскиот? Дали немаше да бидам посреќен ако работев нешто друго, дали го одбрав вистинскиот партнер, дали правилно ги воспитав децата...? Премногу „дали“, а премалку време за да се одговори на нив. Иван Илич во последните мигови од животот сфаќа дека ја трошел енергијата на погрешни работи, дека сѐ било само измама и лага.
- Но веќе е доцна. За среќа, не е доцна и за нас. Ѕирнувајќи во неговиот живот, ние можеме да ги извлечеме вистинските поуки, одговарајќи на неговите „дали“, и можеме правилно да ги примениме во својот живот.
Книга за жалби и поплаки
Антон ПАВЛОВИЧ ЧЕХОВ- Страниците на оваа Книга за жалби и поплаки ни отвораат многу нови светови на руската реалност. Во неа живеат безброј маргинални единки.
- Но Чехов раскажува токму за тие мали секојдневни теми и јунаци. Тие се стутулени во својот мал, зачаурен свет. Осамени се, несреќни и отуѓени. Исто како нас, кои живееме еден век по нив.
- Но и во ова време на висок технолошки развој малиот човек се судира со сите болки на Чеховиот јунак – изолација, самотија, неможност да се победат бариерите. Оние што се наметнати однадвор, но повеќе нашите внатрешни пречки што ни стојат на патот на личниот успех. А толку малку ни треба! Среќата е тука, околу нас, на дофат ни е. Треба само да ја подадеме раката. И да го направиме вистинскиот чекор.
ОЛИВЕР ТВИСТ
Чарлс ДИКЕНС- Несреќното сираче Оливер е еден од најомилените детски ликови во светската литература. Раскажувајќи ни го неговиот живот, авторот се свртува против тогашниот Закон за сиромаси, според кој и децата морале напорно да работат, како и против нивното регрутирање за криминалци.
- Со верба во универзалната човекова добрина, Дикенс го разоткрива злото и се бори за негово искоренување, зашто сите ние имаме исти права на чесен и достоен живот. Правдата и вербата во добрината секогаш победуваат.
- Така и несреќната животна судбина на Оливер добива среќна разврска – од која тој излегува чесен и богат, а добива и одговор на загатката за своето потекло.Наспроти лошите луѓе и нивните сурови постапки, сепак, светот е она место кон кое треба да ја насочиме нашата хуманост и добрина – заради нас, заради детето Оливер Твист кое живее во секој од нас.
Пат околу светот за 80 дена
Жил ВЕРН- Можно ли е да се обиколи светот за само 80 дена? И тоа – не сметајќи ги евентуалните пречки што можат да се појават на едно такво патување низ најразлични земји?
- Ексцентричниот џентлмен Филеас Фог докажува дека тоа навистина може да се изведе. Обложувајќи се со своите колеги од Реформ клубот во сите пари што ги има, и тоа повеќе за забава отколку за да заработи, господинот Фог тргнува на неизвесното патување заедно со својот нов слуга Паспарту, „парижанец од Париз“.
- Започнува една возбудлива и напната авантура полна со диви убавини и опасности на земјите и океаните по кои минуваат, збогатена со луцидноста и хуморот на Паспарту, со егзотичната убавина на Ауда која ќе ја спасат од верските фанатици, со интригите на полицискиот детектив Фикс, кој го смета Фог за крадец на голема сума пари од Англиската банка...
Авантурите на Артур Гордон Пим
Едгар АЛАН ПО- Авантурите на Артур Гордон Пим е вонвременска книга за бездните на љубопитноста и за границите на човековата издржливост. Воден од несовладливата желба за авантури, главниот јунак се качува како слеп патник на бродот чиј капетан е таткото на неговиот другар Август.
- Оттука почнуваат бизарните настани: затворен повеќе денови во утробата на бродот, без храна, вода и доволно воздух, сепак успева да го преживее бунтот на морнарите.
- Но подоцна е фрлен во сурови услови кои го ставаат на вистински тест човековиот нагон за опстанок: борбата за храна, канибализам, необичниот темен остров на кој домородците го убиваат целиот екипаж на бродот. Единствените преживеани, Гордон Пим и Питерс, успеваат да избегаат од проколнатиот остров и се упатуваат на неверојатно патување кон Јужниот Пол...
Гуливеровите патувања
Џонатан СВИФТ- Авантуристичко-сатиричниот роман Гуливеровите патувања стекнал огромна популарност веднаш по своето објавување. Бил оквалификуван како универзална книга, погодна и за политичките канцеларии и за градинките. Немирниот дух и желбата за авантури го тераат главниот јунак да тргне низ светот како бродски лекар. Судбината го носи во најнеобични краишта, во кои живеат џуџиња и џинови.
- Меѓу нив е изложен на многу тегобни, но и смешни ситуации кои откриваат дека човекот е мал или голем во зависност од околностите во кои ќе се најде.
- Алудирајќи на актуелните политички состојби, авторот го критикува сето она што е ситно, бедно и зло во човековата природа, но и алчноста и суровоста на општеството, залагајќи се за почитување на човековото право на среќен живот и на неговото достоинство. Лик во кој може да се препознае секој млад човек со немирен дух, кој е желен за освојување на нови пространства – и физички, но и духовни.
Хаклбери Фин
Марк ТВЕН- Една од највозбудливите приказни за детството и за растењето. Ода за потрагата по слобода и за тоа дека вистинските човечки вредности постојат во сите нас, без разлика на класната припадност и на нашата боја на кожата. Нејзин главен лик и раскажувач е Хаклбери Фин, палаво момче кое многу повеќе сака да скита отколку да и дозволи на вдовицата Даглас да го воспита и да го одгледа како свој син.
- Растргнат меѓу желбата да биде „примерно“ дете и да ужива во слободата, Хаклбери Фин ќе проживее многу тешки моменти со својот татко, пијаница. На крајот, ќе го испланира своето „убиство“ и ќе успее да се ослободи од него. Дури тогаш започнуваат неговите вистински авантури по реката Мисисипи.
- Патувајќи со недели со избеганиот црн роб Џим, во Хак почнуваат да се борат чувствата на приврзаност и пријателство со општоприфатените ставови на општеството. На крајот, Хак и Том Соер го ослободуваат заробениот Џим со една спектакуларна акција...
Кандид
Франсоа ВОЛТЕР- Кандид, најпознатото дело на Волтер, е синтеза на целото негово творештво. Блескава сатира која го исмева „совршениот свет“ на Лајбниц, хуманистичко дело кое се стреми кон идеалот на човечноста. Романот е богат со необични авантури, фантастични пресврти и хумористични ситуации од кои главниот јунак секогаш извлекува значајна поука.
- Иако речиси никогаш не му се случува ништо добро, наивниот Кандид верува во поврзаноста и во добрината на с? што постои во овој „совршен и хармоничен свет“.
- Воден од љубовта и од вербата во апсолутното добро, тој ќе заврши во Цариград, ослободен од метафизичките илузии и свртен кон попрактични и пополезни работи – обработување на земјата. Кандид сфаќа дека овој свет е далеку од совршеноста што ја застапуваат филозофите, но дека ние имаме можност самите да го осмислиме својот живот и да создадеме свој малечок, совршен свет.
Александар Македонски
Жан РАСИН- Александар Македонски – трагедија во пет чина – е првата драма на Расин која постигнала голем успех на театарските сцени. И самиот восхитен од личноста на младиот Александар, авторот во неа ги овековечил славните подвизи на големиот војсководец и освојувач, посебно задржувајќи се на неговиот престој во Индија.
- На фонот на историските настани, на преден план се истакнати ривалството меѓу индиските кралеви Таксил и Пор – нивната борба за власт, но и за освојување на наклоноста на кралицата Аксијана. Со својата возвишеност и искреност особено пленат стиховите за љубовта меѓу Александар и убавата индиска кралица Клеофила.
- Младиот македонски крал, „пред кого и небото трепери“, не ги крие своите чувства кон неа, што ни овозможува да го видиме и во една поинаква, човечка светлина.
Владетелот
Николо МАКИЈАВЕЛИ- Николо МАКИЈАВЕЛИ (1469–1527) е еден од првите социјални мислители кои ја спознале анатомијата на политиката.
- Неговиот Владетел е своевиден водич за начинот на кој треба да се владее со една држава.
- Што ја сочинува внатрешната политика на една земја? Кои се предусловите што се потребни за еден владетел да биде моќен? Задолжително четиво за секој интелектуалец.
Градот на сонцето
Томазо КАМПАНЕЛА- Томазо КАМПАНЕЛА (1568–1639) поминал 27 години во затвор поради своите смели филозофски концепции.
- Неговиот Град на сонцето е една од најцелосните и најубавите утопии напишани некогаш – идеална и праведна држава во која приватната сопственост и парите не постојат, а сите луѓе се рамноправни.
- Идеали што се актуелни и денес и заради кои оваа книга останува секогаш поучна и привлечна за читање.
ВОСКРЕСНАТИ БОГОВИ – Животот на Леонардо да Винчи
Дмитриј МЕРЕШКОВСКИ- Величествена приказна за животот на големиот сликар Леонардо да Винчи, најголемиот човечки гениј заробен во средниот век.
- Читателите имаат неповторлива можност да уживаат во неговите размислувања – и како човек и како уметник; во разните записи на неговите ученици; во оригиналните историски пикантерии на тогашните големци на чии дворови работел.
- Кој и каков бил вистинскиот Леонардо да Винчи, тој вонвременски и вонпросторен лик со речиси митолошки димензии?
Најубавите библиски приказни
Гистав ПОЛ ДОРЕ- Библијата е книга која има влезено во темелите на светската култура и цивилизација. Таа е едно од најголемите сведоштва на човечкиот род.
- Некои во Светото писмо настојуваат да ја пронајдат смислата на својот пат, други во неа бараат само сигурност, а на трети Светото писмо им влева доверба и им го отвора срцето. Некои ја читаат како утеха и предизвик, други како сочувано предание на своите предци.
- Денес Библијата ги поттикнува вероисповедите, одделени одамна, да се приближат една кон друга - со силата на радосната вест, затворена во Светото писмо, која непрекинато и наново треба да се ослободува.
Жена во песок
Абе КОБО- Роман за вечното прашање на отуѓеноста и потрагата по сопствениот идентитет.
- Приказната за човекот кој низ сплет на околности е заробен во песокот, заедно со една жена на која треба секојдневно да ѝ помага во работата, без речиси никакви можности за бегство, е приказна за себеспознавањето и за свртувањето кон сопствената личност.
- Во тоа враќање на човекот кон природата и кон основните нагони за одржување и создавање на потомство, симболично е прикажан вечниот судир во човекот кој, обидувајќи се да ја приспособи природата кон себе, повторно се враќа во нејзините прегратки.
Гордост и предрасуди
Џејн ОСТИН- На поетски, остроумен и интересен начин, Џејн Остин го опишува животот на младите во едно општество, на преминот на векот. Тоа е време во кое царуваат предрасудите и во кои луѓето се вреднуваат врз основа на физичкиот изглед и на материјалното богатство.
- Госпоѓа Бенет мечтае да ги види омажени своите четири ќерки. Кога еден богат човек, господинот Бингли, ќе дојде во нивното село, таа смета дека тој би бил совршен сопруг за една од нејзините ќерки. И почнува да крои планови...
- Дали Елизабет го сака господинот Дарси, пријателот на господин Бингли? Што ќе се случи со другите ќерки на госпоѓата Бенет?
Кокаински ноќи
Џејмс ГРЕАМ БАЛАРД- Патописецот Чарлс Прентис оди во Естрелја де Мар за да му помогне на својот брат Френк, кој е во затвор. По пристигнувањето и по разговорот со пријателите на брат му, Чарлс дознава дека тој, всушност, го признал злосторството и дека не сака да ја одбегне казната.
- За кратко време, Чарлс се запознава со мрачните тајни на навидум совршените прибежишта на богатите Европејци, кои се формирани на шпанскиот брег.
- Во тие општествени заедници што потсетуваат на вештачки рај, а кои всушност се тоталитарни и угнетувачки, криминалот е тој што ја обновува животната енергија на жителите. Чарлс сфаќа што му се случило на неговиот брат...
Истражување на земјата и на космосот
Исак АСИМОВ- Денес сме толку навикнати на широкиот распон на човековите знаења во различни насоки што често забораваме колку сме ограничени како поединци. За среќа, за сметка на тоа ги имаме љубопитноста и остроумноста.
- Нашето знаење постојано расте – во почетокот полека, а потоа експлозивно, ширејќи ги хоризонтите во сите насоки – во просторот и времето, во морските длабочини, во вселената и во областа на енергијата. Оваа книга на Асимов е вистинска ода токму за незаситната љубопитност на луѓето по нови знаења за разбирање на светот што ги опкружува.
- Таа ги објаснува научните концепти на историски начин, враќајќи се назад во времето, кога науката за која пишува била уште во својата наједноставна фаза. Таа е приказ на човештвото во неговата највозвишена хуманост, во неговата неуморна желба да продира колку што е можно подалеку, во сите насоки.
Мафија
Џо ДАРДЕН-СМИТ- Оваа книга е незаменлив водич за секој кој сака да ја дознае вистината за организираниот криминал и да ја сфати разорната моќ што го обликувала. Родена на Сицилија, во деветнаесеттиот век, мафијата многу брзо станува интернационален феномен (САД, Русија, Јапонија...) кој навлегува во сите сфери на животот.
- Мафија – комплетна историја на организираниот криминал дава еден широк преглед на светот на мафијата: нејзините почетоци и понатамошното развивање, тајното организирање, нејзиното ширење, нејзините шефови и закони. Криминал, корупција, перење пари, врски со високите политички кругови, обезбедување „заштита“ и рекетарство, нелегална продажба на алкохол и цигари, лажирани судски процеси...
- Активностите на мафијата имаат долг список – и продолжуваат да се одвиваат и денес, сообразени со новите услови на современиот живот.
Коцкар
Фјодор М. ДОСТОЕВСКИ- Коцкањето и страста по рулетот биле многу повеќе од обична тема и инспирација за пишување за Достоевски – тој и самиот бил нивен зависник. Додека го пишувал Коцкар, бил под притисок да ги исплати своите коцкарски долгови. Можеби и затоа се олицетворува во главниот лик Алексеј Иванович, млад учител кај еден осиромашен руски генерал кој го прокоцкува своето наследство.
- Кога ќе дознае дека девојката за која е готов да го даде животот навистина го сака, тој нема сили да ја исчисти душата од својот порок и да ја отвори за нов живот со неа. Сфаќа дека згрешил, дека можел да има љубов, но толку е обземен од страста за ризик и за играње со животот, од страста да ужива во мигот кога повторно ќе добие што за него веќе не постои друга реалност.
- Длабоко во себе, тој знае дека греши и дека губи сѐ, но верува дека може повторно да застане на нозе, да воскресне, меѓутоа откако ќе добие – само уште еднаш...
Сексуален симболизам
Ричард ПЕЈН НАЈТ- Пионерска книга за симболиката на сексуалноста и за начините на обожавање на сексуалните органи од почетоците на човековиот род до денес. Веднаш по нејзиното објавување, во 1786 година, таа била повлечена од продажбата и била забранета. Повторно е издадена дури во средината на XX век.
- Претставувајќи голем број стари култови на обожавање на фалусот и правејќи паралела меѓу сексуалноста и религијата, авторот дава блескав приказ на историјата на еротизмот и на сексуалниот симболизам.
- На тој начин, оваа книга израснува во најдобра потврда на ставот дека нашите предци – за разлика од повеќето од нас – ја сметале сексуалноста за чиста и божествена.
Пол и Вирџинија
Бернарден ДЕ СЕН-ПЈЕР- Пол и Вирџинија е несекојдневна приказна за животот и љубовта меѓу двајца млади, кои растат среде дивата убавина на еден остров како фиданки од несреќните љубови на нивните мајки.
- Тие се деца на природата, неоптоварени со непотребни знаења, современи Адам и Ева.
- Својата родна долина ја претвораат во вистинско рајско катче, во кое се надеваат дека ќе го поминат целиот живот. Но над нивната љубов се надвиснуваат темните облаци на судбината...
ECCE HOMO
Фридрих НИЧЕ- На човечки, премногу човечки начин Ниче ја отвора својата душа пред идните читатели кои, според него, се „малкумина, но одбрани“. Како што знае со полни гради и нарцисоидно да го истакнува своето значење за иднината и историјата на светот, исто така знае и да се пожали на болките во телото, да се критикува поради некој свој поранешен погрешен или недоработен став.
- Еве човек, или Како човекот станува она што е Ниче го напишал во своите подоцнежни години, кога парализата веќе му била во поодминат стадиум.
- Тоа претставува негово лично објаснување на неговите главни дела и на условите во кои биле пишувани. Било објавено дури во 1908, бидејќи долго време се мислело дека Ниче пред смртта лично сакал да остане необјавено.
Блудниот син
Чарлс БУКОВСКИ- Низ познатиот лик Хенри Кинаски авторот се навраќа кон своите почетоци, кон сопственото детство. Големата животна авантура тој ја започнува како „блуден син“, со своето рано заминување од домот, кога решава да ги напушти својот авторитативен татко и покорната мајка.
- Хенри, како младо момче, копнее за нежност, пријателство и внимание од девојките, но неговата реална или замислена грдотија често го доведува во судир со околината. Поради акните во пубертетот, тој постојано го преживува чувството на срам и тага пред сопствениот одраз во огледалото.
- Тоа развива во него воајерски особини кон луѓето, а посебно кон жените. Тогаш, можеби, сѐ уште не е свесен дека не му е обележано само лицето, туку и духот – со огромен талент.
Стапица за глувци
Агата КРИСТИ- Оваа возбудлива драма започнува со убиството на една мистериозна жена во Лондон, а дејството се одвива во еден пансион, недалеку од градот. Во секој гостин во пансионот, па и во сопствениците, во одреден момент, се открива можниот убиец. Атмосферата е напната цело време, а сомнението се префрла од еден на друг лик. На границата од реалноста и претпоставките, сите го очекуваат следното убиство...
- Премиерно изведена во 1952, во Лондон, оваа драма е најдолго прикажуваната претстава на сите времиња, со над 20.000 изведби.
- На почетокот била дваесетминутна радиодрама, напишана во чест на 80-тиот роденден на кралицата Мери, потоа добила форма на кратка приказна, а истовремено се работела и нејзината сценска адаптација. Таа е една од најумешно напишаните и најинтересните криминалистички драми воопшто.
Еден ден на Иван Денисович
Александар СОЛЖЕНИЦИН- На книжевната сцена Солженицин се јавува токму со Еден ден на Иван Денисович, повест за една од невините жртви на сталинистичките чистки, осуден на десетгодишна робија. Иако на прв поглед се работи за опис на „обичен“ ден на еден „обичен“ Русин во логорско заточеништво, главната идеја на ова дело е, всушност, зачувувањето на човечкото достоинство и на интегритетот во крајно сурови и нечовечки услови.
- Дејството се заснова врз автобиографските искуства на самиот автор, кој од 1945 г. поминал 8 години на робија во Сибир, поради директното критикување на Сталин во едно свое писмо. Дотогаш табуизирана, оваа тема тој подоцна ја развива речиси во целото свое творештво.
- Овој роман е првото руско книжевно дело кое отворено проговорило за таа забранета тема, а цензурата била избегната благодарение на тоа што веќе бил започнат процесот на рушење на Сталиновиот култ на личноста. Романот прв го прочитал и го одобрил за објавување Никита Хрушчов.
Така зборуваше Заратустра
Фридрих НИЧЕ- Оваа легендарна книга е една од најчитаните во светската литература и за неа се напишани безброј коментари и студии. Таа е врв на творечкиот опус на Ниче, па дури и на пишувањето воопшто. Неповторливата комбинација од поезија и метафизика, од поетика и високоапстрактни концепции, ја сместува во реткиот список на ремек-дела на човечкиот ум и имагинација.
- Таа зборува за стариот шаман кој слегува од планините, меѓу луѓето, за да научи нешто од нив, но и да им го подари своето знаење. Тој е во потрага по човек рамен на себе, во потрага по натчовек!
- Заратустра е како бог – тој не раскажува, тој кажува. Од неговата уста излегуваат молњи, толку остри и жестоко мудри што едноставно го параат воздухот околу слушателите, го заслепуваат видот на гледачите. Како самосвесна алузија на Библијата, Заратустра кажува вистини за суштината, за универзумот, за животот, за човекот и начовекот, за љубовта...
УБАВА КНИЖЕВНОСТ
НОБЕЛОВЦИ
Братство, Џон ГОЛСВОРДИ (1867–1933)
Покојниот Матеа Паскал, Луиџи ПИРАНДЕЛО (1867–1936)
Гертруда, Херман ХЕСЕ (1887–1962)
Кнулп, Херман ХЕСЕ
Филозофија на слободното време, Херман ХЕСЕ
Под тркалото, Херман ХЕСЕ
Мојата вера, Херман ХЕСЕ
Мажи без жени, Ернес ХЕМИНГВЕЈ (1899–1961)
Сказна за гејшите, Јасунари КАВАБАТА (1899–1972)
Убавина и тага, Јасунари КАВАБАТА
Плодови на гневот, Џон ШТАЈНБЕК (1902–1968)
Глувци и луѓе, Џон ШТАЈНБЕК
Странецот, Албер КАМИ (1913–1960)
Недоразбирање, Албер КАМИ
Мачка и глушец, Гинтер ГРАС (1927)
Љубов во време на колера, Габриел Гарсија МАРКЕЗ
Хроника на една најавена смрт, Габриел Гарсија МАРКЕЗ
Есента на патријархот, Габриел Гарсија МАРКЕЗ
На полковникот нема кој да му пишува, Габриел Гарсија МАРКЕЗ
ГОЛЕМИ КЛАСИЦИ
Гилгамеш, НЕПОЗНАТ АВТОР (околу 1700 год. пр. н.е.)
Махабхарата, НЕПОЗНАТ АВТОР
Песна за кралот Нал, НЕПОЗНАТ АВТОР
Египетска книга на мртвите, НЕПОЗНАТ АВТОР (околу 1600 год. пр. н.е.)
Илијада, ХОМЕР (околу 850 год. пр. н.е.)
Одисеја, ХОМЕР
Рамајана, ВАЛМИКИ (околу 300 год. пр. н.е.)
Тибетанска книга на мртвите, НЕПОЗНАТ АВТОР
Исповеди, Св. АВГУСТИН (354–430)
Историја на моите несреќи, Пјер АБЕЛАР (1079–1142)
Романса, Кретијен де ТРОА (1135–1183)
Мандрагола, Николо МАКИЈАВЕЛИ (1469–1527)
Изгубениот рај, Џон МИЛТОН (1608–1674)
Писма до ќерката, Мадам де СЕВИЊИ (1626–1696)
Александар Македонски, Жак РАСИН (1639–1699)
Робинзон Крусо, Даниел ДЕФО (1659–1731)
Гуливеровите патувања, Џонатан СВИФТ (1667–1745)
Небо и пекол, Емануел СВЕДЕНБОРГ (1688–1772)
Кандид, Франсоа Мари ВОЛТЕР (1694–1885)
Манон Леско, Опатот ПРЕВО (1697–1763)
Сентиментално патување, Лоренс СТЕРН (1713–1768)
Приказни и кратки приказни, Маркиз де САД (1740–1814)
Опасни врски, Шодерло де ЛАКЛО (1741–1803)
Љубов и пријателство, Џејн ОСТИН (1775–1817)
Капетановата ќерка, Александар ПУШКИН (1799–1837)
Чичко Горио, Оноре де БАЛЗАК (1799–1850)
Шагринска кожа, Оноре де БАЛЗАК
Клетници, Виктор ИГО (1802–1885)
Скарлетно слово, Натанаел ХОТОРН (1804–1864)
Авантурите на Гордон Пим, Едгар Алан ПО (1809–1849)
Оливер Твист, Чарлс ДИКЕНС (1812–1870)
Херој на нашето време, Михаил Ј. ЛЕРМОНТОВ (1814–1841)
Стракови трева, Волт ВИТМАН (1819–1892)
Неточка Незванова, Фјодор Михајлович ДОСТОЕВСКИ (1821–1881)
Бедни луѓе, Фјодор Михајлович ДОСТОЕВСКИ
Записи од подземјето, Фјодор Михајлович ДОСТОЕВСКИ
Кротка, Фјодор Михајлович ДОСТОЕВСКИ
Пат околу светот за осумдесет дена, Жил ВЕРН (1828–1905)
Смртта на Иван Илич, Лав Николаевич ТОЛСТОЈ (1828–1910)
Севастополски раскази, Лав Николаевич ТОЛСТОЈ
Раскази, Лав Николаевич ТОЛСТОЈ
Козаци, Лав Николаевич ТОЛСТОЈ
Хаџи Мурат, Лав Николаевич ТОЛСТОЈ
Хаклбери Фин, Марк ТВЕН (1835–1910)
Писма од мојата воденица, Алфонс ДОДЕ (1840–1897)
Среќниот принц, Оскар ВАЈЛД (1854–1900)
Раскази, Антон Павлович ЧЕХОВ (1860–1904)
Дамата со кученцето, Антон Павлович ЧЕХОВ
Двобој, Антон Павлович ЧЕХОВ
Степа, Антон Павлович ЧЕХОВ
Кралот Иби, Алфред ЖАРИ (1873–1907)
МОДЕРНИ КЛАСИЦИ
Штрувелпетер, Хајнрих ХОФМАН (1824–1911)
Амбасадори, Хенри ЏЕЈМС (1843–1916)
Европејци, Хенри ЏЕЈМС
Дејзи Милер, Хенри ЏЕЈМС
Бранот се враќа, Болеслав ПРУС (1847–1912)
Дракула, Брам СТОКЕР (1847–1912)
Писма до Тео, Винсент ВАН ГОГ (1853–1890)
Срцето на темнината, Џозеф КОНРАД (1857–1924)
Свеста на Ѕено, Итало ЗВЕВО (1861–1928)
Тристан и Изолда, Жозеф БЕДИЕ (1864–1938)
Трагично чувствување на животот, Мигуел де УНАМУНО (1864–1936)
Воскреснати богови, Дмитриј МЕРЕШКОВСКИ (1865–1941)
Временска машина, Херберт Џорџ ВЕЛС (1866–1946)
Војна на световите, Херберт Џорџ ВЕЛС
Добриот војник, Форд Медокс ФОРД (1873–1939)
Синови, Франц КАФКА (1883–1924)
Процес, Франц КАФКА
Пророк, Халил ЏИБРАН (1883–1931)
Љубовници и синови, Дејвид Херберт ЛОРЕНС (1885–1930)
Љубовникот на леди Четерли, Дејвид Херберт ЛОРЕНС
Завеса, Агата КРИСТИ (1890–1976)
Десет мали црнци, Агата КРИСТИ
Фати го бранот, Агата КРИСТИ
Рашомон, Рјуносуке АКУТАГАВА (1892–1927)
Нежна е ноќта, Скот ФИЦЏЕРАЛД (1896–1940)
На запад ништо ново, Ерих Марија РЕМАРК (1898–1970)
Предели и сеќавања, Федерико Гарсија ЛОРКА (1899–1936)
Зелено, те сакам зелено!, Федерико Гарсија ЛОРКА
Пнин, Владимир НАБОКОВ (1899–1977)
Мери Попинс, Памела Л. ТРАВЕРС (1899–1996)
Малиот принц, Антоан де СЕНТЕГЗИПЕРИ (1900–1943)
Ноќта што умира, Исак АСИМОВ (1919–1992)
Дневник 1991-1993, Чарлс БУКОВСКИ (1920–1994)
Пророк, Френк ХЕРБЕРТ (1920–1986)
Муад Диб, Френк ХЕРБЕРТ
Егзорцист, Вилјам Питер БЛАТИ (1928)
Империја на сонцето, Џејмс Греам БАЛАРД (1930–2009)
Тивката жена Силвија Плат, Џенет МАЛКОМ (1934)
Најубавите љубовни писма, Урсула ДОЈЛ
НАУКА
ФИЛОЗОФИЈА
Филеб, ПЛАТОН (427–347 год. пр. н.е.)
Аrs poetica, ХОРАЦИЈ (65–8 год. пр. н.е.)
Преобразби, ОВИДИЈ (43–17 год. пр. н.е.)
Метаморфози или Златното магаре, АПУЛЕЈ (123/124–180)
Така зборуваше Заратустра, Фридрих НИЧЕ (1844–1900)
Дијалектика на просветителството, Макс ХОРКХАЈМЕР и
Теодор АДОРНО (1903–1969)
Учењето на дон Хуан, Карлос КАСТАНЕДА (1925–1998)
Моќта на тишината, Карлос КАСТАНЕДА
Орловиот дар, Карлос КАСТАНЕДА
Уметноста на сонувањето, Карлос КАСТАНЕДА
Вториот круг на моќта, Карлос КАСТАНЕДА
Филозофија на уметноста, Гордон Греам
ПСИХОЛОГИЈА
Пренос, Сигмунд ФРОЈД (1856–1939)
Психологија на сонот, Сигмунд ФРОЈД
Општи сознанија за неврозата, Сигмунд ФРОЈД
Сонот, Сигмунд ФРОЈД
Патишта на симптоматската творба, Сигмунд ФРОЈД
Неугодното во културата, Сигмунд ФРОЈД
Развојот на симптомите, Сигмунд ФРОЈД
Параноја и хомосексуалност – случајот Шребер, Сигмунд ФРОЈД
Психоанализа и религија, Ерих ФРОМ (1900–1980)
Патот на успехот и самодовербата, Ноел БАТЕН
АНТРОПОЛОГИЈА
Златна гранка, Џејмс Џорџ ФРЕЈЗЕР (1854–1941)
Од Дарвин до Хитлер, Рихард ВАЈКАРТ
ИСТОРИЈА
Александар и Цезар, ПЛУТАРХ (46–119)
Истории за војните и владетелите, Диктис КРИТЈАНИНОТ и АНОНИМ
Јулиј Цезар, Џејкоб АБОТ (1803–1879)
100 загатки на историјата, Николај Николаевич НЕПОМЊАШТИЈ
Древниот свет: Грчка уметност, Бернард ЕШМОЛ (1894–1988)
Древниот свет: Кипарска, етрурска и римска уметност, Бернард ЕШМОЛ
Хитлер и неговото опкружување, Светлана ДВОРНИЧЕНКО
Грчка митологија, Феликс ГИРАН и Жоел ШМИТ
ПУБЛИЦИСТИКА
Сеќавање на иднината, Ерих фон ДЕНИКЕН (1935)
Враќање кон ѕвездите, Ерих фон ДЕНИКЕН
Масонерија, Ралф ЕПЕРСОН
ПРВО КОЛО
1. Уметноста на војувањето, Сун ЦУ
2. Категории, Аристотел
3. Олинтики и Филипики, Демостен
4. Медитации, Марк АВРЕЛИЈ
5. Владетелот, Николо МАКИЈАВЕЛИ
6. Градот на сонцето, Томазо КАМПАНЕЛА
7. Принципи на филозофијата, Рене ДЕКАРТ
8. Специјална теорија на релативноста, Ајнштајн
9. Општа теорија на релативноста, Ајнштајн
10. Црвената книшка, Мао ЅЕДУНГ
* Од печат излегуваат до крајот на 2011
ПРВО КОЛО
1. Девијантна љубов, Сигмунд ФРОЈД
2. Љубовни лекови, Стендал
3. Мала пауза, Томас ХАРДИ
4. За љубовниците, тигриците и другиот плен, Џакомо КАЗАНОВА
5. Детинесто, но многу природно, Кетрин МЕНСФИЛД
6. Забрането овошје, Од преписките помеѓу Абелар и Елоиза
7. Дневникот на заводникот, Сорен КЈЕРКЕГОР
8. Привлечност, Скот ФИЦЏЕРАЛД
9. Девицата и Циганот, Д. Х. ЛОРЕНС
10. Кројцеровата соната, Лав ТОЛСТОЈ
* Од печат излегуваат до крајот на 2011
ПЛАНИРАНИ НОВИ АВТОРИ
Штефан ЦВАЈГ
Андре ЖИД (нобеловец)
Франц ВЕРФЕЛ
Јуџин О`НИЛ (нобеловец)
Томас ЕЛИОТ (нобеловец)
Френсис Скот ФИЦЏЕРАЛД
Вилијам ФОКНЕР (нобеловец)
Хајнрих БЕЛ (нобеловец)
Петер ХАНДКЕ
Џорџ ОРВЕЛ
Тенеси ВИЛИЈАМС
Сол БЕЛОУ (нобеловец)
Дејвид СЕЛИНЏЕР
Норман МАЈЛЕР
Џон АПДАЈК
Варлам ШАЛОМОВ
Алберто МОРАВИЈА
Марио Варгас ЉОСА
Исак Башевис СИНГЕР (нобеловец)
Алекс ХЕЈЛИ
Криста ВОЛФ
Ромен ГАРИ
ВЕРО
ВЕРО ЦЕНТАР
ВЕРО ГТЦ
ВЕРО АЕРОДРОМ
ВЕРО ТАФТАЛИЏЕ
ВЕРО ЧАИР
ВЕРО 4 БИТОЛА
ВЕРО 6 БИТОЛА
ВЕРО ТЕТОВО
КОСМО ТИНЕКС
КОСМО ТИНЕКС (ЛЕПТОКАРИЈА)
КОСМО ТИНЕКС (ГТЦ)
КОСМО ТИНЕКС (ЗЕБРА)
КОСМО ТИНЕКС (КАЈ БЕКО)
КОСМО ТИНЕКС (КУМАНОВО)
КОСМО ТИНЕКС (ВЕЛЕС)
КОСМО ТИНЕКС (ПРИЛЕП)
КОСМО ТИНЕКС (СТРУМИЦА)
РАМСТОР
ЦЕНТАР
ТОПАНСКО ПОЛЕ
НОВО ЛИСИЧЕ
СУПЕР ТИНЕКС
СУПЕР ТИНЕКС - ГОДЕЛ
СУПЕР ТИНЕКС - ПРВОМАЈСКА
СУПЕР ТИНЕКС - ДРАМСКИ ТЕАТАР
ТИНЕКС - КУМАНОВО
ТЕДИКО СУПЕР
ТЕДИКО СУПЕР АЕРОДРОМ
ТЕДИКО СУПЕР БУТЕЛ (Ул. К. Т. КАРПОШ ББ)
ТЕДИКО СУПЕР ТАФТАЛИЏЕ
ТЕДИКО СУПЕР НОВО ЛИСИЧЕ
ТЕДИКО СУПЕР СКОПЈАНКА
ТЕДИКО СУПЕР ЈУЖЕН БУЛЕВАР
ТЕДИКО СУПЕР 1 ПРИЛЕП (Ул. ЈОСКА ЈОРДАНОВСКИ ББ)
ТЕДИКО СУПЕР 3 БИТОЛА (Ул. РУЖА ДЕЛЧЕВА ББ)
ТЕДИКО СУПЕР ГЕВГЕЛИЈА
ТЕДИКО СУПЕР ОХРИД
TOGETHER продажни мрежи
СКОПЈЕ 1 (АЕРОДРОМ)
СКОПЈЕ 2 (АМСМ)
СКОПЈЕ 3 (ЃОРЧЕ ПЕТРОВ)
СКОПЈЕ 4 (ПЛОШТАД ПЕЛА)
СКОПЈЕ 5 (БУЊАКОВЕЦ)
СКОПЈЕ 6 (КИСЕЛА ВОДА)
СКОПЈЕ 7 (ЗООЛОШКА)
ОХРИД 1 (Ул. Туристичка бб)
ОХРИД 2 (Ул. Климент Охридски бр. 68)
TOGETHER СТРУМИЦА
TOGETHER БИТОЛА
TOGETHER БИТОЛА, ПОДРУЖНИЦА 51
TOGETHER ПРИЛЕП
TOGETHER ШТИП
TOGETHER КУМАНОВО
TOGETHER КИЧЕВО
TOGETHER НЕГОТИНО
TOGETHER ТЕТОВО
TOGETHER ГОСТИВАР
TOGETHER ВЕЛЕС
TOGETHER СТРУГА
TOGETHER КРИВА ПАЛАНКА
TOGETHER КАВАДАРЦИ
TOGETHER РАДОВИШ
TOGETHER ГЕВГЕЛИЈА
ТУШ
ТУШ ВЕЛЕС (БРАКО)
ТУШ КУМАНОВО
ТУШ ШТИП
СП
РАСАДНИК
КАРПОШ 1
ТАФТАЛИЏЕ
