ПРИКАЗНИ ОД ЕРАТА НА ЏЕЗОТ
Фицџералд, во оваа збирка раскази го прави она што го прави најдобро: дава прекрасна сатира од неговиот период која во исто време е и оптимистичка и брза и покрај цинизмот кој демне под неа. Книгата изобилува со хумор кој е претставен во форма на апсурдност, а има и мали иновации и неочекувани детали што ви го задржуваат вниманието. Ликовите се впечатливи и остануваат со вас дури и кога ја затворате книгата.
Во Приказни од ерата на џезот ќе ги прочитате познатите раскази на Фицџералд: Мојата последна девојка, Шеќерна бонбона, Фантазии, Трошки среќа, но и неговиот прочуен и филмуван расказ Необичниот случај на Бенџамин Батон. Приказни што ви го одземаат здивот. Уживајте!
ПСИХОЛОГИЈА НА ТОЛПАТА
Психологија на толпата е најпознатата и најчитаната книга на Гистав ле Бон. За него толпата значи организирана општествена структура, во која се формира колективната свест и во која индивидуалноста на поединци потенцијално се губи… Ле Бон е еден од првите кој го истражуваше односот помеѓу толпата и политичките институции, парламентаризам, демократијата и лидери. Тој тешкиот проблем на мнозинството, го објаснува исклучиво на научна основа, занемарувајќи ги разновидните мислења, теории и учења и смета дека само на таков начин може да се открие дел од вистината, особено кога се работи за прашањe кое ги окупира душите.